‘A cchiù meglia farenara
sta ‘int’ ‘o vico ‘e Ppaparelle,
addò fanno ‘e farenelle
tutte ‘e capesucietà.
Comm’a gnostia tene ll’uocchie
e se chiamma ‘onna Rusina,
nfarenata ‘int’ ‘a farina
d’a cchiù fina qualità.
Dint’ ‘oi stesso vecariello,
facce fronte ‘a farenara
Peppenella ‘a gravunara
guarda ‘e giuvene passà
Chella rire e chesta guarda,
chesta guarda e chella rire
e ne vòtteno suspire
tutte ‘e capesucietà !
(da ‘O vico d’ ‘e suspire di Salvatore Di Giacomo)